Adel Mişel El Hallal, beynəlxalq biznes inkişafı üzrə menecer, Bellavie S.R.L. (Belçika)

-Mən Belçikadan gəlmişəm və bu sərgidə iştirak etdiyim üçün çox şadam. Mən yüksək keyfiyyətli probiotiklər və qida əlavələri istehsal edən beynəlxalq şirkət olan Bellavie S.R.L-də çalışıram. Medinex sərgisində ilk dəfədir iştirak edirəm və bu imkan məni çox həyəcanlandırır. Bu sərgi mənə bir çox istehsalçılarla tanış olmaq və təcrübə mübadiləsi aparmaq imkanı yaratdı.

Məni xüsusilə tanış olduğum ticarət şirkətləri təsirləndirdi. Buradakı stendlərin keyfiyyəti doğrudan da diqqətəlayiqdir — hər bir detal incəliklə düşünülüb. Belarus, Polşa və Özbəkistan stendləri xüsusi marağımı çəkdi. Artıq Özbəkistan və Belarusdan olan həmkarlarla müəyyən ideyaları email vasitəsilə müzakirə etməyi planlaşdırıram. Bu, əlaqələri gücləndirməyə və əməkdaşlıq üçün yeni imkanlar tapmağa kömək edəcək.

Əminəm ki, Medinex sərgisində iştirak mənim üçün yeni üfüqlər açacaq və gələcək layihələr üçün ilham verəcək.