Mühüm peşə borcu – yol hərəkəti təhlükəsizliyini təmin etməkdir!
14 oktyabr 2026
Aybək Xəlil, Biznesin inkişafı üzrə menecer, ÇEPAŞ Galvaniz Demir Çelik A.Ş.
Ankarada yerləşən “ÇEPAŞ” şirkəti əsasən yol infrastrukturu təhlükəsizliyinin təmin edilməsi üçün sinklənmiş poladdan barrier çəpərlərinin istehsalı ilə məşğuldur. İllik istehsal gücü təxminən 70–80 min ton təşkil edir.
2015-ci ildən Azərbaycan bazarında fəaliyyət göstəririk, yol tikintisi ilə məşğul olan şirkətlərə məhsul tədarük edirik. Yerli yol-tikinti şirkətləri məhsullarımızı, onların keyfiyyətini və etibarlılığını yaxşı tanıyırlar.
İstehsal etdiyimiz yol çəpərləri avtomobillərin yoldan çıxaraq əks tərəfə keçməsinin və toqquşmasının qarşısını almaq üçün nəzərdə tutulub. Lakin yalnız çəpərləri quraşdırmaq kifayət deyil, həm də yolun xüsusiyyətlərini nəzərə alaraq məhsulu düzgün seçmək və onun müvafiq qaydada montajını təmin etmək vacibdir.
Biz müxtəlif təhlükəsizlik siniflərinə (mühafizə səviyyələrinə) aid — H1, H2, H3 və H4 yol çəpərləri istehsal edirik. Hər bir sinfin özünəməxsus davamlılıq xüsusiyyətləri var. Məsələn, H4 sinifli çəpərlər ağır nəqliyyat vasitələri ilə toqquşma sınaqlarından keçirilir. Yüksəksürətli avtomobil yollarında, yolun xüsusiyyətlərindən və risk səviyyəsindən asılı olaraq H2 və ya daha yüksək sinifli sistemlər tətbiq edilməlidir. Şəhər yollarında və daha aşağı sürət rejimli sahələrdə isə digər profilli çəpərlər istifadə oluna bilər.
Biz bu sərgidə 2016-cı ildən bəri hər il iştirak edirik. Bu ardıcıllıq brendin tanınmasını qoruyub saxlamağın və bazarda daimi varlığın perspektivdə nəticə verdiyini anlamaqla bağlıdır.
Ümumilikdə sərgini faydalı bir platforma kimi qiymətləndirirəm. O, müxtəlif sahələrdən olan şirkətlərə görüşmək, məhsullarını təqdim etmək və yeni işgüzar əlaqələr qurmaq üçün yaxşı imkan yaradır. İştirakçılar arasında yerli və xarici tikinti şirkətlərinin sayının artması əməkdaşlıq imkanlarını daha da genişləndirə bilərdi.
Azərbaycanda yol tikintisi və infrastruktur layihələri sahəsində çalışan şirkətlərin sərgidə iştirakına xüsusi əhəmiyyət verirəm. Ölkənin müxtəlif regionlarında, o cümlədən Qarabağda irimiqyaslı infrastruktur və ərazilərin bərpası layihələri həyata keçirilir. Bu layihələrdə yer alan şirkətlərin iştirakı sahə nümayəndələri arasında kommunikasiyanı gücləndirə və yeni işgüzar əlaqələrin inkişafına töhfə verə bilər.
Eynilə, Türkiyə və digər xarici şirkətlərin iştirakı da əməkdaşlıq imkanlarını genişləndirməyə qadirdir. Mənim fikrimcə, sərgilərin əsas məqsədi yalnız məhsul nümayiş etdirmək deyil, həm də şirkətləri və insanları bir araya gətirməkdir. Burada birbaşa danışıqlar aparmaq, yeni texnologiyalarla tanış olmaq, müxtəlif həlləri qiymətləndirmək və gələcək layihələr haqqında fikir mübadiləsi aparmaq mümkündür. Məqsədimiz yalnız öz məhsullarımızı təşviq etmək deyil, həm də yol təhlükəsizliyi sahəsində etibarlı tərəfdaş mövqeyimizi saxlamaq, yeni layihələrdə iştirak etmək və yerli şirkətlərlə əlaqələri inkişaf etdirməkdir.
AZ
EN
RU
ZH
